Es 1! Wär hätt das däicht! Voller Stolz hei mir die Note am Sunntig für üse vortrag "Bärgfahrt" vom Emil Herzog dörfe entgägenäh. Ds Pickle u Bisse i all de Probe het sech glohnt! Gratulation u Dank allne Choppiger-Jodler u -Jodlerinne! Im 2.Teil sy mir jo bekanntlecherwys ou starch. So het es mi fescht gfröit, dass mer so lang als Gruppe am Samschtig Obe zämeghöcklet sy. I ha mi vernünftigerwys schwangerschaftsmässig müesse i di Horizontali begä, aber e guete Teil het dürezoge bis am nächschte Tag. Si hei nid emau so schlächt usgseh u zum Zmorge scho chy Wysse glüderet u überganglos zum Appizäller gwächslet. Chapeau - miner Dame u Herre! Si hei sech nämli bis u mit gmeinsamem Znachtässe uf de Beine ghalte, aber wahrschynlech bim Heicho när is Koma gheit. Bis dr anger Ziischtig! Sekretärin