Einisch meh hei mir ou das Johr zämä mitem Jodlerklub Alchenstorf die aujährlechi Waudpredigt im Buechhouz chönne dürefüehre. Trotz der fählende Wermi derfür aber mit viu Sunne het dr Waud u dr Pfarrer Ronny Küenzi viu Predigtbsucher ahglockt. D'Jodlerinne u d'Jodler vo Alchenstorf hei dr fyrlech Gottesdienscht u zwe Toufine mit ihrne warme Stimme umrahmt. Mir Bärgbrünneler hei für's kulinarische Wohubefinde vo üsne Gescht gluegt. Mit feine Steaks, Würscht, Härdöpfusalat u Chäsbrätu, si einegi no chly blybe höckle, hei die früschi Waudluft gnosse, ihres Glück bim Zwirbele probiert u sich bis i Nomittag ine loh verwöhne. Härzleche Dank aune Häuferinne u Häufer für ihre Ysatz!