Ar letschte HV hei mir üse nöi Dirigänt dr Stefan Müller mit grossem Applaus dörfe i üsi Reihe ufnäh. Gärn tüe mir ihn öich e chly vorsteue. Dr Stefan wohnt mit sire Frou u de zwe Buebe in Langenbruck BL. Säuber isch är aktiv im Jodlerklub oberer Hauenstein, wo är mängs Johr s'Ämtli aus Präsident tätiget het. Do är i dere Zyt säuber het müesse Dirigänte sueche u gmerkt het wie schwierig dases isch für eine zfinge, het är-zu üsem Glück- dr Dirigäntekurs säuber i Ahgriff gnoh. Für ihn isch s'Jodle e guete Usglych zu sim hektische Autag aus Leiter i re Betriebsgarage. Dr Jodugsang bedütet für ihn es Stück schwyzer Kultur wo är gärn dranne teu nimmt. Näbschtem Jodle isch üse sportlech Dirigänt ufem Bike oder Snowboard ungerwägs. Mir si unheimlech froh, das mir dr Stefan Müller i üsem Klub dörfe ha, är vermittlet üs e grossi Rueh, Motivation u vili lehrrychi u interessanti Probe- DANKE Stefan!