E schöne Obe hei mir usegläse für einisch meh üses Platzkonzärt dürezfüehre.

Bi warme Tämperature si vo de sibni ah Bsuecher gäge Chilegmeinshuus zuecheglüffe u hei sech es Plätzli gsuecht im gmüetlech ygrichtete Schopf, wo üs jedes Johr vom Stettler Ruedi zur Verfüegig gsteut wird- a dere Steu härzleche DANK Ruedi!

Üses Platzkonzärt richtet sech a aui Lüt wos gluschtet e feini Grillade cho z'ässa, es paar Jodulieder cho z'lose, dr Guetschyn vom Jodlerobe cho yzlöse oder eifach für aui wo fröid hei a de gmüetleche Obe mitem Jodlerklub Bärgbrünneli. U villich hets jo seinte oder angere derby wos gluschtet für bi üs mitzsinge! Mir probe jede Mittwuch vom 20.00 - 22.00 Im Schuelhuus z'Koppigen- chum doch cho inelose, du bisch härzlech wiukomme!