Vom 19.-21- Juni 2015 het z Hasli-Rüegsou s'49.Bernisch-Kantonale Jodlerfescht stattgfunge. Mir Bärgbrünneler hei am Samschti  15.26 Uhr üse gross Uftritt gha. Dank dr beruhidende Art u de motivierende Wort vo üsem Dirigänt si mir frohen Mutes i die überfüllti Chile yglüffe. Mitem Lied "Bärgwanderig" vom Ueli Moor- wo du ou no grad üse Juror isch gsi,  hei mir aui üses Beschte gäh u hei sogar die Tön i dr Chile chönne gniesse. U glych, d'Erliechterig isch gross gsi wo mir wieder ad'Sunne hei chönne u natürli hei mir miteme chüele Bier ahgstosse.

Am Sunnti hei mir du ganz gspannt uf üses Resultat gwartet-u ändli sie die Froue u Manne cho mit dene Klassierigslischte. Es 2 hets gäh für üs Bärgbrünneler. Zfride über dNote u müed vo däm schöne Fescht, si mir wieder gäge heizue gfahre.