Am 27. Juni 2015 hei mir d'Ehr gha dr 90. Geburtstag vom Trudi Jäggi mit üsne Jodulieder z'umrahme. I däm gmüetleche Garte si mir Jodlerinne u Jodler rundum verwöhnt worde mit Getränk u amene feine Fondue. A dere Steu vo Härze es grosses Dankeschön ar Familie Jäggi. Es het üs fescht gfröit, dass mir öppis zu däm Fescht hei dörfe byträge u wünsche am Trudi wyterhin gueti Gsundheit,  e huufe gfröiti Momänte u ganz viu Sunnestrahle im Härze.