Letscht Mittwuch am 16.Septämber 2015 hei mir e bsungregi Singprob gha. Dr Ernst Steffen het üs aui zu sich hei yglade für üsi Jodulieder z'üebe u dermit si 75. Geburtstag nochez'fyre. Auso hei mir üs dasmou am achti nid z'Choppige, sondern z'Herzogenbuchsee bi Steffens troffe. Nach dr stürmische begrüessig vor Nora-am Ernst u Vreni ihrem Sennenhung- hei mir üs i gmüetlech u schön zwägmacht Wintergarte begäh. Die Prob isch rächt locker verloufe, het üs doch s'Vreni scho gly einisch mit feine Würscht u Brot verwöhnt. Nachdäm mir am Ernst u Vreni no es paar Lieder hei zum Beschte gäh, si mir wyter miteme Jodlerkafi u Schlüüferli versorgt worde. Die si so fein gsi, dass Teu bau nümm hei chönne ufhöre mit ässä. Mir heis luschtig u gmüetlech gha bim Ernst u Vreni, vile härzleche Dank öich zwöine für die liebi Yladig u das feine Ässä. Dir Ernst wünsche mir zum Geburtstag vo Härze gueti Gsundheit, e huufe unvergässlechi Momänte u u wyterhin ganz viu Fröid am Singe. Schön bisch du bi üs!