Am 12. Dezämber si mir Jodler u Jodlerinne aus Abschluss vom 2015, zum aujährleche Jodlerhöck yglade worde.

Üsi "Jungs" dr Dominik, Silvano u Ronni hei sech is Züg gleit u für üs e schöne Obe im Schützehuus Choppige organisiert. Miteme feine Fondue, e chly Wysse u gueter Luune hei mir e überus gmüetleche Obe chönne verbringe. Härzlechschte Dank öich dreine!

Nachere verdiente Pouse, wärde mir im nöiie Johr wieder vougas gäh mit probe für üse Jodlerobe am 1.u 2. April 2016.