Am 30. u 31. Juli 2016 het s'Jodlerchörli Wyssache ihri aujährlechi Fritzeflueh-Chiubi düregfüehrt. Dos vo üs här wäge z'viu Ferieabwäseheite letscht Johr nid het passt, hei mir üs gfröit für das Johr übere Bärg z'cho u dr Sunntig Nomittag zämä mit dr Auphorngruppe Ahorn häufe z'gstaute. Es het viu Lüt zu dere Chiubi zoge, sigs fürs Zwirbele vo schöne Priise, zum Ässä oder eifach chly zum Zämäsy. Mir hei e gmüetleche Nomittag dörfe erläbe u danke am Jodlerchörli Wyssache ganz härzlech für d'Gaschtfründschaft.