Leider müesse mir zur Kenntnis näh, dass sech dr Läbeskreis vo üsem Jodlerkamerad Fritz Schiffmann letschte Mänti am 12. Septämber 2016 gschlosse het.

Am Fritz isch dr Jodlerklub immer sehr wichtig gsi u är isch mit grosser Fröid u Angagement derbi gsi. Jo mi cha grad säge, dr Fritz het nid dörfe fähle. Mängs Johr isch är de Bärgbrünneler tröi gsi u mängs Schöns u Luschtigs hei mir mit ihm dörfe erläbe u mit ihm Lache. So lang dases am Fritz isch müglech gsi het är flissig jedi Prob u jede Ahlass bsuecht. Wo du aber d'Gsundheit nümm rächt het wöue mitmache us ihm ou mit letschter Chraft nümm isch müglech gsi zum cho Singe, hets üs de aube gfröit, we mir dr Fritz amene Jodlerahlass aus Bsuecher hei dörfe begrüesse u är mit glänzige Ouge zueglost het.

Danke Fritz, für au die Johr wo mir mit dir hei dörfe erläbe! Sie wärde üs immer i lieber Erinnerig blybe!