Am 10. Dezämber het üse traditionell Schlusshöck stattgfunge. Das Johr hei üs dr Urs u Res i die schön gschmückti Waudhütte z’Recherswil yglade. Mit emene feine Glüehwy oder Punsch si mir im Waud begrüesst worde.

Mir hei gsunge us gmüetlech gha, sogar dr Samichlous isch üs cho bsueche. Het doch dä Maa im rote Mantu gwüss vo jedem öppis ufschribe gha i sim Buech u so mänge Lacher füreglockt.

Nachem feine Ässä mit Chüngu, Härdöpfustpck oder Polenta u Gmües, hets es überus leckers Turtebuffet zum Dessert gäh. Ou we d’Büch bereits si vou gsi, hets niemer chönne lohsi vo dene gluschtige Turte z’probiere.

Es härzlechs Dankeschön a aui Organisatore, Spänder u Spänderinne, Chöch, Metzger u eifach aune Häufer wo zu däm schöne Obe bytreit hei. Schön isches gsi!