Am 24./25 Juni 2017 si ou mir Choppiger uf Brig as Eidgenössische Jodlerfest greiset.

Am Samschti obe 18.11 Uhr hei mir ir Chile Brig mitem Lied «s’Plange» vor Therese Aeberhard-Häusler üses Beschte gäh u dä Vortrag vor däm grosse Publikum dörfe gniesse. Dank de Närve wie Drohtseili vo üsem Dirigänt, de unzählige Widerholige i de Probe u dr guete Konzentration während em Vortrag hets üs glängt.

Am Sunnti hei mir mit grossem Stouz u unbeschriblecher Fröid d’Beschtnote für üses Lied dörfe entgägenäh!

Es isch es wunderschöns Fescht gsi in Brig, wunderbars Wätter u e super Stimmig, eifach zfride. Mir wärde üs no lang glücklech dra erinnere.

Danke Stefan. Danke Jodlerkameradinne u Jodlerkamerade. Danke Brig!