Am Samschti dr 28. Oktober 2017 hei mir ir Gartenbauschuel Oeschberg dr 2. Soujasset chönne dürefüehre. Dr Ueli Neuenschwander aus Initiant, het mit sim Team Walter Habegger, Res Garius u Robert Rohrbach sämtlechi Vorbereitige u organisatorischi Notwändigkeite vorgschaffet, so dases a däm eher chüele Samschtiobe am haubi sibni miteme feine Ässä het chönne losgoh.

 Das Johr hei sech doch bereits 16 Teilnähmer meh ahgmäudet aus no im letschte Johr. Ahschoulechi 88 Froue u Manne hei sech druf konzentriert, i dene 4 Rundine müglechscht viu Pünkt chönne usezjasse.

Dr Walter Habegger het aus Jasschef düre Obe gfüehrt u schliesslech d’Ranglischte chönne bekannt gäh.

1. Rang: Remmele Willi, Bremgarten

2. Rang: Schmid Adrian, Oschwand

3. Rang: Hartmann Béatrice, Burgdorf

Aui Teilnähmer hei e grosszügige u schön zwäggmachte Fleischpriis dörfe mit hei näh.

Es isch e glungnige u zfridnige Obe gsi, so dass üses Soujasse ou im 2018 wird stattfinge. Härzleche DANK a aui wo mitghulfe hei u i irgend ere Form dra beteiliget si gsi.

Wes öich gluschtet für im nöchschte Johr ou mitzmache, reservierit öich bereits itze dr

Samschti, 27.10.2018