Jedes Johr 16 Teilnähmer meh, das isch e schöne Erfolg bi üsem 3. Soujasset wo mir am 27.10 18 ir Gartebouschuel Oeschberg düregfüehrt hei.

104 Jasser u Jasserinne hei sech zu däm Ahlass ahgmäudet.

Nachem feine Ässe isches motiviert, konzentriert u zfride düre Obe gange. Unger dr Ufsicht vom Walter Habegger si 4 Passen i Schieber u zuegloste Partner gspiut worde. Gäge die haubi zwöufi si de aui gspannt gsi, wär das die Hamme u feine Fleischstück vom Garius Res darf mit heiträge. Nachem Ytöggele i Compi u dr gnaue Kontroue vom Röbu u Ueli het sech zeigt, dass sech das Johr dr Hebeisen Hanspeter us Burgdorf mit 4142 P., d’Liechti Klara us Biberist mit 4136 P. u dr Zbinde Heinz us Ersigen mit 4131 P. vorusgjasset hei- Härzlechi Gratulation!

Nachem offizielle Teil isches gmüetlech mit do u dert eme Jässli wytergange.

Härzleche Dank aune wo zu üs i Oeschberg cho si mitgmacht hei oder zum guete Glinge bytreit hei!