Wie jedes Johr isch üse Schlusshöck die letschti Begägnig im aute Johr vo üs Jodler u Jodlerinne mit Partner u Ching. Vom 2. Tenor organisiert si mir is Klubhüsli vo de Schütteler z’Choppige yglade worde. Läck hei die üs verwöhnt. Suure Mocke, Härdöpfustock u Rotchrut hets gäh u zum Dessert es riese Buffet. Mit voue Büüch hei mirs luschtig gha u ou öppe eis gjutzet oder ufs aute Johr ahgstosse.

Danke vo Härze de Organisatore u Häufer für dä glungnig Obe! Es riesigs Danke giut ou au dene grosszügige Spänder! Merci