Schön u gmüetlech isches gsi am erschte Samschti im März bi de Meiringer Jodler.  Ir vou Bsetzte Turnhalle z’Unterbach hei sie ihre Jodlerobe düregfüehrt u mir hei dert dörfe Gascht si. Näbscht de zwe Klubs hei zwöi Duett u d’Eggiwiler-Giele für beschti Ungerhautig u me abwächsligsriche Obe gsorget.

Weme d’Bärgbrünneler e chly kennt, weissme, dass sie aube nid grad sofort hei göh nach somene Uftritt. So hei mir dä Obe ire zfridnige Rundi u paarne Lieder u Jütz loh usklinge u si ahschliessend souverän vo üsem Präsi heigfüehrt worde- DANKE TUUSIG CHRIGU!

Mir Ämmitaler heis sehr gnosse bi öich im schöne Oberland, es grosses DANKE VO HÄRZÄ für öii Gaschtfründschaft.