Am 10. Dezämber 2023 hei mir zu üsem Chilekonzärt dörfe ylade. Ä vou bsetzti Chiuche, so schön!

Pünktlech um 17.00 Uhr hei mir zäme mit üsne Gescht am Jodlerquartett "Früd drann ha" u am Alphornquartett "Zytlos"

üser Bsuecher dörfe begrüesse. Äs isch gäng schön, vor so viu Publikum dörfe z'singe u jutze! So nach de Rückmäudige isch das Programm, wo mir hei zäme gsteut, guet acho u das fröit üs sehr!

Mir danke aune Zuehörerinne u Zuehörer für ihre Bsuech u üsne Gescht für ihrer wunderbare Biträg zu däm Chiuchekonzärt 2023!

Schön, sit Dir aui cho! Öier Bärgbrünneler