Scho gly isches sowit u mir dörfe wieder üse Jodlerobe 2024 dürefüehre!

Mir si flyssig am Üebe für das mir am Friti 05. April u Samschti 06. April um 20.00 Uhr parat si, für Öich ir Gartebouschuel Oeschberg-Koppigen z'begrüesse

Üser Gescht am Fritiobe si dr Jodlerklub Lotzwil, unger dr Leitig vor Regina Zurflüh, natürli dörfe ou das Johr nid fähle; s'Schwyzerörgeliquartett Familie Lehmann! 

Am Samschtinomittag um 14.00 Uhr geit es de witer mitem Chinderchörli Thalgraben, Leitig Erika Ryser und Heidi Bieri, musikalisch umrahmt wärde mir mit de Nachwuchsörgeler "eifach hüt"

Am Samschitobe isch dr Jodlerklub Sumiswald unger dr Leitig vor Marianne Weingart bi üs z'Gascht, für lüpfegi Musig sorgt s'Trio Aaregruess

Mir Bärgbrünneler fröie üs scho jtze ganz fescht uf vieli Bsuecher u wei üses Beschte gäh, um Öich gsanglech, musikalisch u ou kulinarisch dörfe z'verwöhne! 

Merkit Öich die Datum, reserviere chöit Dir ab 20. März bim Ruedi Moser, Telefon 034 413 17 20 jewils zwüsche 17.00 - 19.00 Uhr