Am 12. und 13. Septämber isch es sowyt gsy: Die nöii Mehrzwäckhalle isch offiziell mit eme schöne u glungnige Yweihigsfescht eröffnet worde. Am Gottesdienscht vom Sunndimorge, hei mir Jodler dörfe singe, was fürne Ehr! 

Ä grosse DANK a aui Choppiger-Stimmbürger wo denn JA hei gseit u ganz bsungers a aui Initiante, wo sy dranne blybe, dass us däm grosse Projekt so ä schöne Halle isch entstange, wo für jede Verein, Schuele und Bevölkerig offe steit zum Mitbenütze. Mir fröie üs uf ganz viu schöni Anläss, wo mir i Zuekunft ir Bläji dörfe düre füehre!